Asociación de Inspectores e Inspectoras de Galicia, AIEG, organiza un ciclo formativo relacionado co ensino a distancia e a protección de datos. O obxectivo é expoñer os principios que hai que seguir na utilización destes instrumentos, abordar os desafíos máis destacables que impoñen os novos modelos de xestión da información e resolver as principais dúbidas ao respecto.
Os cambios producidos no ámbito da protección de datos persoais nos últimos anos como consecuencia das novas normas vixentes son moi importantes. A isto debemos engadirlle a implantación de ferramentas dixitais como elemento de interacción no ámbito educativo, tanto na docencia como na avaliación, a utilización de ferramentas dixitais como apoio ao sistema educativo ordinario, a utilización de grandes plataformas multinacionais e a afectación aos dereitos das persoas.
A situación de pandemia impuxo a necesidade de incorporar aos procesos educativos e de avaliación do alumnado novas ferramentas dixitais que permitan continuar con estes procesos, pero que ao mesmo tempo expoñen numerosos desafíos.
Conscientes de todo isto, a Asociación de Inspectores e Inspectoras de Galicia, AIEG, organizou un ciclo formativo relacionado co ensino a distancia e a protección de datos. O obxectivo é expoñer os principios que hai que seguir na utilización destes instrumentos, abordar os desafíos máis destacables que impoñen os novos modelos de xestión da información e resolver as principais dúbidas ao respecto.
Martes 20 de abril. De 16:30 a 19:00 horas
16:30 – Inauguración
16:45 – Protección de datos no proceso educativo. Conceptos e principios básicos. Tratamento de datos polos centros educativos. (Iñaki Pariente)
18:30 – Resolución das dúbidas.
Mércores 28 de abril. De 16:30 a 19:00 horas
16:30 – Dereitos das persoas no contexto educativo. Sexting, grooming, … (Jorge Flores)
17:30 – Os dereitos dixitais das persoas no proceso educativo: redes sociais, dereito á intimidade e dereito á propia imaxe, dereitos e deberes do alumnado e do profesorado fronte aos novos formatos de educación e de relación entre as persoas. (Iñaki Pariente)
18:30 – Resolución das dúbidas.
Xoves 6 de maio. De 16:30 a 19:00 horas
16:30 – Presentación de casos e problemas recibidos na inspección educativa.
17:00 – Tratamento de datos na Internet. O uso de tecnoloxía no proceso educativo: ferramentas na nube, desenvolvemento de ferramentas propias, uso de ferramentas de terceiras empresas. Videovixilancia e uso de imaxes. Captación de imaxes no ámbito educativo con finalidade de análise biométrico. (Iñaki Pariente)
18:30 – Resolución das dúbidas.
As xornadas serán por videoconferencia.
Habilitarase un correo electrónico para o envío de consultas das persoas asistentes ao curso. Durante as xornadas entregaranse materiais e tarefas con casos prácticos.
Iñaki Pariente de Prada.- Avogado especialista en protección de datos e TIC. Profesor universitario. Foi maxistrado-xuíz durante dez anos en San Sebastián e director da axencia vasca de protección de datos. Autor de varias publicacións relacionadas coa protección de datos.
Jorge Flores Fernández.- Licenciado en informática. Autor de varias publicacións e materiais didácticos relacionados co uso seguro das TIC con especial énfase no grooming, o ciberbullying e o sexting. Director e fundador de Pantallas Amigas.